Prindërit e këngëtares kanë organizuar festën, me 150 të ftuarnormal_greta-koci3.jpg

Më shumë se një ditëlindje dukej si një festë këngëtarësh. Në 16-vjetorin e Greta Koçit, të mërkurën në mbrëmje te “Buda bar” janë mbledhur së bashku këngëtarë të rinj dhe të vjetër, të cilët të ftuar nga familja e Gretës nuk kanë ngurruar t’i përcjellin urimet më të mira koleges së tyre të vogël. Dhe pa dyshim ajo ka qenë mbretëresha e mbrëmjes. E veshur me një fustan të zi, tepër klasik Greta ka mbërritur në lokal rreth orës 21:00 të mbrëmjes, pasi aty ishin mbledhur gjithë të ftuarit, për të cilët duhet të theksojmë se kanë qenë të gjithë emra të njohur të skenës dhe ekranit shqiptar.

E sigurisht bashkë me urimet nuk kanë munguar as dhuratat të cilat nisnin që nga fustanet, xhaketat, çantat, portofolat, bizhuteritë e deri te parfumet që duket se kanë qenë të panumërt. Pasi është përshëndetur nga orkestra live dhe ka marrë urimet me këngë, Greta Koçi nuk ka ngurruar ta marrë vetë mikrofonin për të përshëndetur gjithë të pranishmit duke e vënë theksin në mënyrë të veçantë te prania e këngëtarëve të njohur të skenës sonë, Liljana Kondakçi, Sherif Merdani dhe Luan Zhegu. Megjithatë festës nuk i kanë munguar as Sinan Hoxha e Altin Shira.

G.Panorama