Edhe pse me një imazh tepër larg asaj pamjes me të cilën ka pushtuar për muaj të tërë kopertinat e revistave, Çiljeta Xhilaga sërish nuk kaloi pa rënë në sy pak ditë më parë në promovimin e vidioklipt të këngës “Puç- Puçi”. Si gjithmonë seksi, por këtë herë më ekstravagante dhe me shumë klas. E mbi të gjitha me dashurinë e saj, për të cilën ka çfarë të tregojë.

Përveç koncerteve dhe ftesave për të kënduar, vajza joshëse e ekranit këto kohë është shumë e zënë, pasi janë të shumta ftesat për emisione, intervista etj. Mbi të gjitha, këto kohë Çiljeta është një vajzë e dashuruar, që prej shumë kohësh po jeton një romancë plot pasion.Me pak fjalë një sexy-girl, që ndryshe nga sa thuhet lart e poshtë po jeton periudhën më të artë të jetës së saj. Shumë e përfolur në kronikat rozë, Çiljeta është një ndër ato vajza të njohura, që fati e ka ndjekur edhe në dashuri. Mbase jo nga ato me shikim të parë, por gjithsesi të plotësuar. Një love-story e nisur para disa vitesh në plazhin e Sarandës, ku më në fund rastësia i solli shansin të prezantohej me Romeon. Gjatë kësaj interviste ajo tregon dhe shumë gjëra për veten e saj, por dhe disa “sekrete” të sezonit veror. Nuk harron që të flasë dhe për familjen e saj, ku tregon se është shumë e lidhur me prindërit. Por Çiljeta shprehet se pas disa vitesh politika mund të jetë një tjetër sukses i saj. Duke folur për veten, ajo tregon për veshjet e preferuara të sezonit veror, cilat janë ngjyrat e preferuara në gardërobën e saj dhe për çfarë i shpenzon më shumë paratë. Si sillet me miqtë dhe çfarë vlerëson më shumë në jetë. Rrëfen për miqësinë me Ingridin, dhe si erdhi bashkëpunimi për këngën më të fundit “Puçi- Puçi”. Nëse do t’i duhej që të zgjidhte martesën apo bashkëjetesën, Çiljeta preferon të parën. Më tej ajo tregon se beson në zot dhe i injoron thashethemet. Për vajzën më të përfolur të kronikave rozë, vendi ideal për pushimet është Saranda.

-Çiljeta, cila është veçanta e ditës së sotme?
Sot unë jam shumë e zënë. Mund të them se jam e mbingarkuar me shumë intervista, ftesa në media të ndryshme, tani po iki në një emision etj.

-Së bashku me miken tuaj Ingrid Gjoni sapo keni prezantuar vidioklipin me këngën “Puçi Puçi”. Ç’mund të na thoni për këtë?
Besoj se do të jetë një nga klipet më të realizuara nga ne dhe gjithashtu nga “Max Production”. Si unë dhe Ingridi jemi shumë të kënaqura me jehonën, që ka bërë vidioklipi deri tani.

-Gjatë xhirimeve të vidioklipit a patët vështirësi, pasi ai vjen në një mënyrë të veçantë në krahasim me të tjerët?
Për vidioklipin e këngës “Puçi Puçi” kemi pasur shumë vështirësi gjatë xhirimeve të tij. Gjithashtu kemi pasur dhe shumë probleme me kohën. Po ashtu kemi pasur probleme dhe me stafin, sepse kishte shumë personazhe. Pra ka qenë një punë që u shoqërua me shumë probleme, por në fund çdo gjë përfundoi më së miri dhe vidioklipi u realizua me sukses.

-Si erdhi bashkëpunimi për vidioklipin?
Ishim duke udhëtuar sëbashku me Ingridin për në Zvicër, por u ideja na erdhi nga spektakli “Kjo ishte loja” që u bë në Top-Channel, ku unë u zura me Ingridin në vaskën me çokollatë. Pas asaj skene vendosëm të bënim një këngë të dyja bashkë, dhe pas dy muajve, duke kujtuar momente nga ky spektakël ramë dakord që të bënim një bashkëpunim. Muzikën e bëri Florjan Mumajesi, teksti Turi i”Produkt 28”, por kjo këngë ka gati një vit dhe ne e këndonim në rrethe. Sivjet u realizua vidioklipi, megjithëse me vonesë, pasi duhej të realizohej që në verë. Por skenari ishte që ne të ishim me rroba banjoje dhe në dimër nuk mund të bëhej vidioklipi.

-Ju jeni vajzë e vetme, por sa e lidhur jeni me prindërit?
Unë jam shumë e lidhur me prindërit, pasi jam dhe vajzë e vetme, duke qenë e tillë jam shumë e lidhur me ta. Kam dy prindër, që i adhuroj dhe nuk më ka munguar asgjë.

-Me kë jeni më shumë e lidhur?
Si vajzë vetme që jam, më e lidhur jam me mamin, por babin e dua shumë. Mami më rregullon në çdo spektakël dhe në koncerte apo evenimente të tjera ku unë marr pjesë.

-Në media shkruhet shumë për ju, por cili ka qenë artikulli që ju ka bërë më shumë përshtypje?
Vërtetë që është shkruar shumë për mua, jetën time, karrierën time, por një shkrim i bukur ka qenë i Edison Ypit, i cili më ka bërë shumë përshtypje. Unë e falënderoj, por dhe familja ime gjithashtu. Po ju citoj një pjesë: “Çiljeta mund të ketë shqiptarë të cilëve nuk iu pëlqen, mos u mërzit ata janë bastardë. Ti je bijë pasioni ata janë të errët, ti je ndritur ata janë të shëmtuar, ti je bukur, ata të mërylët, ti buzagaz ata zevzekë, ti je e përmbajtur ata zvarriten, ti vallëzon ata vjedhin, ti këndon ata urrejnë, ti dashuron…”.

-Besoni në zot?
Unë besoj në zot dhe tek kurani, të cilin e mbaj në çantë, në makinë dhe nuk e heq asnjëherë. Për këtë dua të citoj Ypin: Më kanë thënë që mban kuran në çantë, por këtë nuk dua ta besoj sepse po ta besoj nga entuziazmi në çast do të çmendesha.

-Ç’bëhet me studimet tuaja për Shkenca Politike?
Unë jam në vitin e katërt, por kam lënë dhe dy provime nga viti i tretë dhe sivjet nuk diplomohem dot, për arsye të impenjimeve të mia, por vitin tjetër patjetër që do të diplomohem. Unë nuk kam pasur kohë që të diplomohem, por ky është një gabim i imi. Por vitin tjetër do të impenjohem më tepër.

-Pas shkollës e shikoni veten në politikë?
Tani jam tepër e re, jam 23 vjeçe dhe akoma nuk jam pjekur për politikë, pavarësisht se vazhdoj për Shkenca Pulitke. Pas kësaj, dua të mbaroj dhe një shkollë tjetër dhe për mua ideale do të ishte Fakulteti Juridik. Shpresoj se, duke bërë dhe këtë shkollë do të jem më e pjekur për tu marrë me politikë. Mendoj se nga mosha 30 vjeç mund ti hyj politikës.

-Jemi në sezonin veror, por si e kalon ditën Çiljeta. Me çfarë merresh më tepër?
Këto ditë i kaloj kohën me shumë gjëra. Shkoj në pishina, merrem me punë të ndryshme. Por kam dhe shumë koncerte dhe mundohem që ti alternoj gjërat gjatë ditës.

-Gjithmonë në formë, por sa kohë i kushtoni lukut tuaj tani gjatë sezonit veror?
Për sa i përket lukut, më pëlqen që gjithmonë të jem mirë. Në fakt më tepër i kushtoj rëndësi gjatë dimrit, por ndërkohë që gjatë sezonit veror më pëlqen që të rri sa më natyrale dhe nuk i kushtoj shumë rëndësi tualetit. Nëse mund të bëj pak tualet, atë mundohem që ta përshtat me veshjet, pra për mua një paraqitje natyrale dhe pa shumë tualet është gjëja më e mirë gjatë verës.

-Ju thatë se jeni shumë e zënë me punë, koncerte, emisione etj, por atë kohë të lirë që keni si shpenzoni?
Kohën e lirë mundohem që ta kaloj sa më mirë, megjithëse këto kohë jam shumë e zënë. Gjatë verës kohën e lirë më tepër e shpenzoj në pishina sëbashku me të dashurin tim.

-Çfarë vlerësoni më shumë tek njerëzit?
Për mua janë shumë të rëndësishme dy gjëra. E para është që unë vlerësoj tek një njeri sinqeritetin dhe e dyta pastërtinë shpirtërore të tyre.

-Nëse do ju bënin keq për arsye të ndryshme, çfarë bëni?
Nëse përpiqen të më bëjnë keq, nuk bëj asgjë. Mundohem ti hap rrugë. Shprehem kështu sepse mua nuk më zë kurrë e keqja.

-Ju kemi parë në shumë koncerte të ndryshme gjatë fushatave elektorale, por cila është ajo forcë politike që ju e mbështesni?
Pjesëmarrja në këto koncerte është pjesë e punës sime, por unë e kam shprehur dhe herë të tjera që jam demokrate.

-Politikani që simpatizoni më tepër?
Për mua politikani më i preferuar është presidenti Bamir Topi.

-Sezoni veror ka filluar dhe të gjithë mendojnë për pushimet. Ju ku keni menduar, që ti kaloni pushimet e këtij sezoni?
Për pushimet kam menduar që ti kaloj dhe këtë vit në Sarandë. Do të shkoj bashkë me të dashurin tim. Më pëlqen Saranda dhe do të shkojmë nga mesi i muajit gusht.

-Shumë vajza të botës së spektaklit tashmë kanë bërë këngë, por janë dhe duke u marrë me realizmin e vidioklipeve të ndryshme. Ju çfarë mendoni?
Më vjen mirë që e bëjnë dhe këtë gjë, pasi janë mundësi të cilat i prezantojnë ndryshe. Për mua nuk ka asgjë dhe nuk ka aspak vend për xhelozi.

-Bashkë me mikeshën tuja Ingrid Gjoni a keni menduar që ta promovoni klipin tuaj dhe në vise të tjera shqiptare?
Shpresoj që do të arrijmë të promovojmë vidioklipin dhe në këto vende. Në Kosovë do të shkojmë sëbashku me Ingridin dhe besoj se do ta realizojmë dhe atje promovimin e vidioklipit të këngës “Puçi Puçi”.

- Ç’mund të na thoni për miqësinë tuaj me Ingridin?
Miqësia jonë ka nisur që para dy vjetëve. Ne të dyja ia kalojmë shumë mirë, dalim bashkë, flasim për problemet tona me njëra-tjetrën. Familjet tona njihen dhe ne nuk kemi asnjë lloj xhelozie kundrejt njëra-tjetrës.

-Çfarë natyre është Çiljeta, bën pjesë tek njerëzit nevrikë, të qetë..?
Në natyrën time jam pak nevrike.

-Kur nevrikoseni më shumë?
Më shumë nevrikosem kur më gënjejnë.

-Kur e keni dhënë puthjen e parë?
Kam qenë në moshën 15 vjeç, kur e kam dhënë puthjen e parë.

-Në lidhjen tuaj a jeni xheloze?
Si të gjithë çiftet në çdo lidhje dhe tek ne ka ndonjëherë xhelozi.

-Për Çiljetën është më mirë martesa apo bashkëjetesa?
Mua më pëlqen më shumë martesa. Bashkëjetesa nuk më duket shumë e përshtatshme dhe nuk më pëlqen shumë, pra për mua më mirë është që një lidhje të finalizohet me martesë. Nuk e kam shumë qejf bashkëjetesën, sepse është njëlloj si martesa, por bashkëjetesa i bën meshkujt të ndjehen më pak të obliguar.

-Sa e vlerësuar është femra në Shqipëri?
Femra në Shqipëri nuk mendoj se ka vendin ku i takon të jetë.

-Çfarë pijesh preferoni në ambientet me miqtë?
Unë pijet alkoolike nuk i pi, as cigaren nuk e pi. Megjithatë në ndonjë ambient mund të pi një tekila, që më ka mësuar Ingridi, duke parë atë që pinte e mësova dhe unë. Më thoshte që: pi një “teke sportive”, dhe kështu që edhe unë e pija. Por në shumicën e rasteve unë pi ‘Red Bull’.

-Në “Top-Fest” u prezantuat me një veshje ndryshe nga sa ju shohim në media. Pse e zgjodhët atë veshje?
Njeriu sa vjen mëson, kështu që edhe në atë baladë unë nuk mund të vishesha me fustan apo veshje që ishin ekstravagante. Kënga që këndova “Dorëheqja” i përshtatej dhe veshjes. Balada dhe performanca ime u pëlqye dhe u duartrokit.

-Do ti kaloni pushimet në Sarandë, përvese bukurisë së plazhit ka ndonjë arsye tjetër?
Unë kam tre vjet që jam e dashuruar me Romeon. Sivjet kemi tre vjetorin, që do të shkojmë në Sarandë ta festojmë, pasi aty jemi njohur.

-Dhurata më e bukur që keni marrë nga Romeo?
Janë aq shumë dhurata që kam marrë, por e fundit ka qenë një buqetë me lule, që ma solli për promovimin e klipit.

-Në marrëdhëniet në çift çfarë vlerësoni?
Vlerësoj më tepër besnikërinë dhe sinqeritetin.

-Ju bezdisin thashethemet?
Më kanë bezdisur më parë, por vazhdojnë dhe tani të më bezdisin, por kjo është pjesë e njerëzve që mua nuk më interesojnë.

-Në gardërobën tuaj çfarë veshjesh ka më tepër?
Ka plot veshje, si sportive, klasike, ekstravagante, etj, por kohët e fundit kam blerë dhe shumë fustane. Kam blerë tek dyqani i Amit fustane të bukura dhe gardëroba ime sa vjen dhe mbushet.

-Shpenzoni shumë për veshje?
Shpenzoj shumë dhe nga ato që fitoj më shumë i shpenzoj për veshje sepse në çdo event që unë shkoj duhet patjetër që të kem një luk të ri, sepse po të kem të njëjtën veshje do fillojë paparaci me fotot e të njëjtit fustan.

-Gjithmonë në formë, por a mbani dietë?
Shumë herë kam dëgjuar se janë shumë femra të botës së spektaklit që mbajnë dietë, por në fakt unë nuk mbaj dietë. Ushqehem normal.

-Cili është ushqimi që preferoni më tepër?
Ndër ushqimet e mia të preferuara janë makaronat.

-Është Çiljeta një amvisë e mirë?
Jo aspak nuk jam e tillë, pasi çdo gjë e bën mamaja ime.

-Muzika që preferoni më tepër?
Më pëlqen muzika latine, greke. Por më pëlqen shumë dhe muzika spanjolle. Këto janë rrymat muzikore, që i preferoj më shumë.

-Në verë, cila është ngjyra që preferoni më tepër në veshjet tuaja?
Gjatë verës preferoj më tepër ngjyrën gurkali, e cila gjendet shumë në gardërobën time.

-Kush i stilon veshjet tuaja?
Më pëlqejnë shumë veshjet e Enada At Nikollës dhe Rezarta Skifterit, që unë i falënderoj për bashkëpunimin.

-Bizhuteritë ju pëlqejnë?
Më pëlqejnë shumë, nuk më pëlqenin më parë, por kot kohët fundit kam blerë bizhu të shtrenjta.

-Përvese miqësisë me Ingrdin keni shoqe të tjera?
Kam dhe shumë shoqe të tjera, por me Ingridin është më e spikatura. Por të dyja kemi shoqe dhe shumë vajza të tjera.

-Cili ka qenë komplimenti më i bukur që keni marrë për sa i përket pamjes suaj?
Komplimenti më i bukur që kam marrë ka qenë ditën e përurimit të vidoklipit, që më kanë thënë se je bërë kopje si Anzholi Zholi, të cilën unë e kam idhull.

-Keni menduar ndonjëherë që ta ndryshoni lukun tuaj?
Për momentin nuk kam ndonjë gjë për sa i përket ndryshimit të lukut. Mendoj se duhet të rri natyrale. Më pëlqen që të jem kështu dhe nuk kam ndonjë ide për të ndryshuar pamje.

Foto te tjera te Ciljetes.

Ciljeta Xhilaga Foto

• Edhe Ciljeta bie pre e fotomontazheve
• Ciljeta dhe Zhuljeta vishen ngjashem naten e Halloween-it
• Adelina me pushime ne Saint Tropez dhe ben foto superseksi
• Cili, se shpejti me nje linje buzekuqi