Quhet Rejhana Morina. Është nga qyteti i Gjilanit. Gjatë verës ka edituar një album me titull “Dashuri reale”. Ka gjithsejt 3 videoklipe, ndërsa kënga më e popullarizuar e saj është “Rozana”. Prej vitesh jeton në Zvicër, ndërsa shumë shpesh viziton edhe Kosovën si për të takuar familjarët, ashtu edhe për koncerte dhe realizime të këngëve e klipeve të reja. Kënga më e re e cila pritet të shfaqet shumë shpejt bashkë me videoklip quhet “Zi e ma zi”.

Jeni shquar si një vajzë e bukur dhe mjaft e suksesshme në ambiciet tuaja të karrierës. Keni qenë e vetëdijshme për talentin në muzikë?

Bukuria dhe suksesi janë dy gjëra të ndryshme, por të cilat më vijnë si dhuratë nga vetë Zoti, ambicjet janë personale dhe zhvillohen me vetë jetën e njeriut. Besoj askush nuk dyshon në talentin e vet!

Po pjesëmarrja nëpër festivale sa e plotëson Rejhanën si këngëtare?

Jeta në botën e muzikës është si një mozaik, çdo pjesëmarrje nëpër festivale është një gur që plotëson mozaikun e një karriere.

A keni dështuar ndonjëherë në karrierë?

Asnjëherë në karrierë nuk ka dështime, dështimet u ndodhin vetëm atyre që kanë arritur kulminacionin, unë jam në rrugë e sipër dhe akoma ndjehem e pamposhtur.

Një pikë të dobët dhe një sekret të pamjes tënde?

Kam zemër shumë humane, pamjes sime ua kam harruar sekretet, nuk më lejon modestia të ruaj sekrete të tilla.

Ndodh të krijoni dashuri imagjinare kur nuk përmbushen pritshmëritë tuaja?

E kush nuk ka dashuri imagjinare. Rëndom nuk ëndërroj sa i përket sukseseve, prandaj dhe pres rezultatet e pastaj bëj analizat, jetoj me shumë pak zhgënjime, unë vërtet dua shumë jetën dhe njerëzit. Një këngë, që të bëhet hit duhet të ketë… ? Një melodi të mirë, një tekst që ngjall emocionet dhe të këndohet me gjuhën e shpirtit dhe jo vetëm me fyt.

Meqë jeni këngëtare e re, si do ta përshkruanit veten?

Rejhana Morina: Do ju surprizoj me klipin “Zi e më zi” Si çdo vajzë e moshës sime së pari, e pastaj si një këngëtare me plot përpjekje.

Ndonjë plan të ri rreth muzikës?

Kam përgatitur një këngë të re me titull “Zi e më zi“ që është e punuar me tekst dhe muzikë nga Genc Prelvukaj, ndërsa jam në përfundim edhe të videoklipit i cili pritet shumë shpejt të shfaqet edhe nëpër televizionet shqiptare.

Flitet që shifrat e pagesave të këngëtareve për një koncert vërtiten nga 800 deri në 4.000- 5.000 euro, po Rejhana sa paguhet?

Çmimi im mund të vërtitet në mesin e atyre çmimeve.

/Panorama Plus/

• Rikthehet Adelina me koncerte dhe pagesa marramendëse
• Aida “Kush do rezistojë deri në fund”
• Planet e Yllka Gashit pas muajit te mjaltit