Ku është fshehur Orinda Huta? Ndoshta më shumë se ne gazetarët, këtë pyetje duhet t’ia kenë bërë vetes fansat e këngëtares. Prej kohësh Orindën nuk e kemi parë të shfaqet në asnjë prej aktiviteteve muzikore të zhvilluara në vend.

Mos ndoshta ka hequr dorë nga muzika? Nuk besojmë të jetë kështu. Megjithatë pas
suksesit të një viti më parë në festivalin “Kënga magjike”, ku u vlerësua me çmim, këngëtarja është tërhequr thuajse plotësisht nga skena. Madje, shumë pak fansat e saj e kanë parë edhe në koncertet e ndryshme të zhvilluara përgjithësisht gjatë verës.
Por, ne mësojmë se Orinda vazhdon të jetë në kryeqytet.Vazhdon të jetë studente në Universitetin Evropian të Tiranës dhe vazhdon të jetë ende një vajzë e bukur, që tërheq vëmendjen e kalimtarëve.

Por ç’ka ndodhur me të, që nuk po rishfaqet në skenë? Kohët e fundit, shumë këngëtarë kanë nisur të flasin për dalje të menduara përpara publikut. Është ai momenti kur ata shprehen, se pjesëmarrja në çdo aktivitet muzikor nuk është gjithmonë mënyra më e mirë për të fituar fansa. Mos ndoshta edhe Orinda është duke ndjekur të njëjtën strategji? Pak kohë më parë, këngëtarja u bë pjesë e shtypit rozë edhe për lajme rreth jetës së saj private, gjë që ndoshta ndikoi në marrëdhëniet e saj me muzikën. Nëse është vërtet kështu, atëherë kjo do të thotë, se dalja saj e ardhshme do të ketë diçka për të shënuar. Le të shpresojmë që të ndodhë kështu. E intervistuar nga gazeta disa muaj më parë këngëtarja ishte shprehur se po punonte për albumin e saj, për të cilin gjithsesi nuk dha afat kohor. Besojmë seky është një projekt i vitit 2008. Ndërkohë nuk dimë, as nëse ajo do të jetë pjesëmarrëse në ndonjë prej aktiviteteve muzikore të këtij viti, ndërsa i pari, që nis dhe shumë shpejt madje, është Top-fest. E lançuar në botën muzikore, që në moshë të re, Orinda Huta arriti shumë shpejt afirmimin, jo vetëm falë mënyrës së veçantë të të kënduarit, por edhe falë performancës shumë tëmirë skenike. Le të shpresojmë se herën tjetër do të kemi disa të reja edhe nga Orinda. PanoramaPlus

Random Posts

• Orinda Huta: Ju tregoj vuajtjen dhe ankthin tim
• 26-vjetori i Amit, pranë Ermalit dhe miqve
• Labi nuk i do Festivalet
• Besi Kallaku humori më udhëheq kudo
• Ingrid Gjoni: “Do të këndoj për partinë që më ofron më shumë”
• “Portokalli” këtë herë pa grupin “The SHBLSH”
• Aplikimet per Big Brother Albania 3 vazhdojne
• Video: Kejsi Tola – Carry me in your dreams
• Princi Leka II, kerkoj nje vajze shqiptare
• Flaka Krelani në Eurovizion?