Ka kaluar mjaft kohë, kur ajo do të prezantohej si një Miss, për t’u bërë më pas një nga zërat e skenës sonë mjaft të kërkuar dhe të pëlqyer. E ndërsa ka nxjerrë këngën e saj të fundit me titull “Matura”, jeta e saj personale ka tërheqeur edhe më shumë vëmendje. Kjo për faktin se ajo është lidhur me dikë, që rrjedh nga kupola e Bllokut të famshëm. Rezarta Shkurta, vajza nga Durrësi, sot e ndan jetën me Ermal Hoxhën, nipin e Enver Hoxhës. Lidhja e të dyve u bë shkak për të folur shpesh në ambientet e metropolit dhe në shtypin rozë. Ndoshta edhe nga fakti, se Ermali vinte nga një lidhje martesore. Sot ata janë një nga çiftet, që janë më të lakuar.

Sa kohë ke që je lidhur me Ermalin?

Lidhja jonë daton 20 shtatorin e vitit 2005. Dhe pikërisht këtë shtator mbushim plot 2 vjet bashkë. Madje edhe ditën e dasmës kemi menduar që, kur ta bëjmë ta vendosim pikërisht në këtë date.

Si ka nisur kjo histori? Ka qenë dashuri më shikim të parë?

Po ka qenë një dashuri me shikim të parë. Në fakt përpara se të takoheshim kanë qenë disa koiçidenca të çuditshme. Ndoshta ishte e parashikuar, që unë të takohesha me atë. Kështu ndërsa unë kthehesha nga një udhëtim nga Kina në të njëjtin avion ka qenë edhe Ermali, i cili kthehej po nga Kina, ku kishte qenë për punët e tij. Më pas ka qenë një tjetër koiçidencë. Ka qenë verë unë isha ftuar për të kënduar tek “Tropikal, Venue”, në Durrës dhe Ermali gjendej aty me shokët e vet. Ai u ishte shprehur miqve të vet që “Lum ai mashkull, që e ka këtë vajzë”. Këtë gjë ma ka pohuar vetë më pas, pa e menduar se një ditë këtë vazjë do të kishte ai vetë. Dhe hera e tretë dhe vendimtarja ka qenë unë dhe ai në kryqëzim tek sheshi “Nënë Tereza”, ishim në semafor me makinë. Aty ai na ftoi për kafe. Unë kam qenë me një miken time. Pastaj u ulëm në kafe dhe ai aty po bënte interesantin, ndërkohë që sa u ndamë më çoi me telefon një mesazh.

Dhe ç’ndodhi më pas?

Ditën e dytë kemi qenë gjithë ditën bashkë. Madje unë kam qenë tek parukieria në Durrës dhe ai nuk ka pritur, po unë kam dalë me flokë të lagura (qesh). Ndërsa ditën e tretë jemi nisur për një udhëtim në Pogrades, ku ka qenë një ditë e mrekullueshme.

Çfarë të pëlqen më shumë tek Ermali?

Në karakterin e tij vlerësoj shumë qetësinë e tij. Mënyrën sesi ai i zgjidh çështjet e tij. Unë jam mjaft impulsive si natyrë, ndërsa Ermali është mjaft i i qetë, kështu që ekuilibrohemi së bashku. Po Ermali mbi të gjitha është një njeri shumë i zgjuar. Dhe që unë e kisha ëndërr të kisha një njeri të tillë në krah. E them me mjaft sinqeritet, që jam me fat, që unë e kam atë në krah. Ndërsa në paraqitjen fizike më pëlqen shumë trupi i tij, i gjatë dhe pak i mbushur. Është pikërisht ashtu si unë e kisha menduar mashkullin, që do të kisha një ditë në krah.

Cilat janë veset e tij nëse ka, që ti nuk i duron dot?

Në fakt nuk mund të them për vese. Ermali nevrikoset shumë rrallë. Ndërkohë që unë nevrikosem shpejt dhe shpesh. Por kur nevrikoset Ermali reagon shumë ashpër. Nuk është e thënë që të nevrikoset me mua (qesh), por për punë dhe çështje të ndryshme për shembull. Unë e di këtë gjë dhe e lë të qetësohet, sepse e di që shumë shpejt do t’i bien nervat.

Po Ermali çfarë pëlqen tek ty?

Në fakt për këtë gjë duhet të pyesni Ermalin. Megjithatë një gjë që unë e di dhe që ma thotë është se Ermali pëlqen shumë sinqetitetin tek unë. Në fakt këtë veti e kam me çdo njeri edhe me shoqërinë dhe familjen, jo vetëm me Ermalin.

Po në paraqitjen tënde?

Uroj që gjithçka… (qesh)

Dhe çfarë nuk pëlqen?

Uroj, që të mos ketë asnjë gjë… (qesh)

A i bëni surpriza njëri-tjetrit?

Po shumë madje. Në fakt unë bëj më shumë. Unë bëj për shembull pesë surpriza, Ermali një. Por Ermali i ka surprizat në lidhje me plane, për shembull, udhëtime, festa surprizë, etj. Kurse unë i kam të natyrës së arredimit këndshëm të shtëpisë, me qirinj, lule, toretë, tej.

Cila surbrizë ka qenë më e bukura?

Gjëja më e bukur dhe e papritur për mua nga Ermali ka qenë në kohën, kur secili nga ne jetonte në shtëpinë e vet dhe Ermali më jep si dhuratë unazën, që unë mbaj në gisht sot, dhe më kërkoi të jetonim bashkë.

Sa orë në ditë rrini me njëri-tjetrin?

Më mirë mund të them, që orët që na ndajnë janë nga mëngjesi deri në orën 4, kur edhe Ermali mbaron punën dhe pastaj nuk ndahemi për asnjë moment nga njëri-tjetri.

Të shoqëron Eramli në punët e tua dhe koncertet që ke?

Po në të gjitha koncertet. Është gjithmonë me mua. Edhe këtë të hënë unë do të jem në Vlorë dhe Ermali do të vij dhe do të jemi bashkë.

A është xheloz ai?

Unë nuk i lë shkak asnjëherë që ai të bëhet xheloz. Megjithatë po u tregoj një të vërtetë. Mua më pëlqen të bëj lojëra dhe e provokoj. Një herë bleva një numër tjetër telefoni dhe i çoja mesazhe numrit tim, që ishte në dhomën, ku ishte Ermali. Ai u bë xheloz sigurisht. Po në fakt ka një xhelozi të bukur, një mërzitje që mua më bën për të qeshur. Ndërsa kur dikush më shikon ai bëhet edhe më i afërt me mua.

Po ti?

Unë? Jam xheloze e tmerrshme.

Meqë përmendët vëllain e Ermalit, si i keni marrëdhëniet me familjen e tij.

Ermali ka dy vëllezër, me të cilët shkoj shumë mirë. Megjithatë mund të them se me vëllain e vogël të tij kam më shumë afrimitet, madje e kam mik. Kjo ndoshta për faktin se jemi edhe në të njëjtën moshë.

Ku jetoni tani?

Jetojmë tek një apartament tek “Dëshmorët e Lirisë”, qysh prej 10 muajsh. Kemi në plan në fakt të bëjmë një shtëpi më të madhe, por kjo do të realizohet pak para se ne të martohemi.

Cilat janë projektet e verës, ku po i kaloni pushimet?

Në fakt pushimet i kemi bërë pak e nga pak. Përgjithësisht kemi lëvizur çdo fundjavë në vende të ndryshme. Kështu kemi qenë në Budva, (Mal i Zi), në Kosovë, Maqedoni. Pastaj në Shqipëri kemi lëvizur në Sarandë, Vlorë, Durrës, Shëngjin. Madje në Shëngjin jemi kënaqur shumë, pasi kemi qenë për peshkim. Të dy edhe unë edhe Ermali e kemi shumë qejf peshkimin. Por Ermali nevrikoset shpesh kur jemi për peshk, pasi unë jam më me fat dhe zë më shumë peshq se ai. Për peshkim kemi qenë edhe më vëllain e vogël të Ermalit dhe jemi kënaqur shumë.