normal_soniiiiiiiiiiiiii_by_gentii.jpgZakoni me i mire, po dhe ai me i keqi,cfar pelqen dhe cfar nuk pelqen te nje mashkull . Ushqimet, librat,muzika dhe personazhet qe pelqen me shume.Soni i zbulon ne kete pyetesor.

Le ta nisim nga bukuria.Ti a ke ndonjë recetë sekrete?

Sekrete jo, se janë gjëra që dihen nga të gjithë. Thjesht varet se sa i zbatojnë. Në radhë të parë është gjendja shpirtërore. Unë ha shumë fruta, zarzavate dhe marr vitamina me kapsula. Nuk konsumoj alkool dhe duhan. Evitoj ambientet me tym dhe bëj shumë fizkulturë.

Cili është zakoni yt më i mirë?

Nuk e le kurrë veten pas dorë.

Po më i keqi?

Nuk kam ndonjë zakon të keq.

Pa cilin makijazh nuk mund të bësh dot?

Pa lapsin e syve.

Pa cilin aksesor nuk do të mund të rrish dot?

Pa syzet dhe pa celularin.


Cilat janë ikonat e tua të modës?

Nuk kam pasur ikona në mode, në muzikë po.

Cila është modelja jote e preferuar?

Përgjithësisht më pëlqejnë të gjitha, por kur kam qenë e vogël më ka pëlqyer trupi gjithë muskuj i Naomi Cambell.

Cila është këshilla më e mirë e modës që nuk e ke marrë kurrë?

Mendoj se moda çdo sezon i ndërron këshillat, por atë që është e përhershme e kam marrë: që të vishem gjithmonë me ato gjëra që ndihem më mirë.

Cila është fraza që të duket më e bezdisshmja për ta ripërsëritur?

Çdo frazë e përsëritur më shumë se ç’duhet krijon bezdisje te bashkëbiseduesi.

Nëse do të kishe qenë ngjyrë, cilën ngjyrë do të preferoje të ishe?

E kuqe.

Po nëse do të kishe qenë këngë?

Fluturim 3470.

Një gur i çmuar?

Smerald.

Një stinë?

Verë.

Një pije?

Ujë.

Një veshje?

Këmishë mëndafshi.

Një gjendje shpirtërore?

Dashuri.

Një mbiemër?

Malaj.

Cila është dita më e lumtur e jetës tënde?

Kur kam ardhur në jetë, pavarësisht se nuk kam qenë koshiente për këtë gjë.

Cila është gjëja e parë që bën kur zgjohesh në mëngjes?

Lahem.

Çfarë ka gjithmonë mbi komodinën tënde?

Fruta.

Cili është ushqimi yt i preferuar?

Peshku.

Cilat janë pushimet që do të pëlqenin më shumë?

Një javë në Disneyland.

Cili është albumi i parë muzikor që ke dëgjuar?

“Bad” i M. Jackson.

A ke frikë nga plakja?

Shumë.

Mes gjithë dhuratave që të kanë bërë në gjithë këto kohë, cila është më e preferuara për ty?

Një tufë lule një mëngjes, që nuk kishte asgjë për të festuar, por thjesht ishin me dashuri për mua.

Cili është shkrimtari yt i preferuar?

Zakonisht nuk tërhiqem nga shkrimtarët për të lexuar një libër, por nga përmbajtja.

Cila është banda muzikore që pëlqen më shumë?

Nga të huajt Bregoviç, nga shqiptarët “Lation Band”.

Po skuadra jote e zemrës, cila është?

Shqipëria.

Cilat janë tre gjërat që ëndërron të bësh deri në fund të jetës?

Po të them njërën që për mua është më e rëndësishmja, një familje të mrekullueshme.

Nëse do të mund të ftoje për darkë ndonjë personazh, edhe ata të kohës së shkuar, kë do të zgjidhje?

Më duhet të përzgjedh shumë. Por po veçoj Skënderbeun dhe Kleopatrën.

Nëse do të kishe mundësi për të jetuar në një kohë tjetër, cilën epokë do të zgjidhje?

Vitet ’60 në USA.

Kur të ka zënë qymyri për herë të parë?

Kur kam qenë e vogël, me një këngëtar të famshëm të asaj kohe, në USA, Terence Trent D’arby, i cili këndonte këngën “Delicate”.

Cili është mashkulli më seksi në botë për ty?

Nuk kam ndonjë të preferuar.

Cili është defekti më i shëmtuar te një mashkull, sipas teje?

Egoizmi dhe vaniteti.

Koha Jone

  • Postoje tek LajmeWeb
  • Postoje tek Kapsit
  • Postoje tek Ngjarjet
  • Facebook
  • Technorati
  • MySpace

Random Posts