Flitet se vajza që shoqëroi pinjollin e familjes Fejzullahu në natën e ndarjes së çmimeve “Video Fest”, ka qenë e lidhur më parë me Shpat Kasapin. Nëse e gjitha mund të duket si një telenovelë, romanca të tilla ndodhin rëndomë mes VIP-ash.

Thashethemi ka pak ditë që po qarkullon në faqet e internetit, por duket se asnjëra nga palët, nuk ka dhënë asnjë prononcim. Kurioziteti është rritur ndjeshëm vetëm pak ditë kur Ermali u shfaq në krah të një vajze misterioze, emri i së cilës ishte Ariana dhe më pas asnjë detaj tjetër për jetën e saj dhe sidomos për të shkuarën. Në këtë moment të gjithë nisën të gërmonin më shumë sesa duhet në jetën e Arianës, derisa zbuluan se ajo kohë më parë ka qenë edhe në krahët e një tjetër djaloshi po kaq të njohur sa i dashuri i saj aktual. Më së paku Ermali, nuk ka dhënë asnjë detaj, kjo ndoshta për faktin, se ai kishte pohuar se kur të gjente vajzën ideale, do ta prezantonte atë me familjen e tij dhe më pas do të fejoheshin. Por nëse e vërteta ende nuk është zbuluar totalisht, Ermali duhet të mendohet për këtë. Nga ana tjetër nuk ka sesi të ndodhë ndryshe me Shpatin, i cili për momentin po hesht. Këngëtari shqiptar i adhuruar nga femrat aktualisht është duke përjetuar historinë më të bukur të dashurisë, në krahët e modeles së njohur Afërdita Dreshaj. Ajo që duhet realisht të zbardhë gjithë të vërtetën e kësaj historie, deri tani ka qenë në heshtje, ndoshta për të mos humbur të dashurin e saj të ri, duke qenë pjesë e gazetave skandalistike, të cilat së fundmi kanë qenë shumë të interesuara për të mësuar më shumë rreth jetës së saj private.Shumë pak foto të saj qarkullojnë në internet dhe po kaq pak informacione për njohjen e re me Ermalin.

Gazeta Panorama

Fotografi nga Ermal Fejzullahu  http://www.galeriashqiptare.net/thumbnails-195.html

Fotografi nga Shpat Kasapi  http://www.galeriashqiptare.net/thumbnails-177-page-1.html

Gazeta Tema

Fotografi nga Ermal Fejzullahu  http://www.galeriashqiptare.net/thumbnails-195.html

Por kjo nuk është aspak për t’u marrë në konsideratë, pasi vlera e shtëpisë është marramendëse. Plot 300 mijë euro për një apartament që duket se është edhe shtëpia e ëndrrave të Ermalit, për të jetuar i pavarur dhe larg familjes së tij, e cila deri më tash është kujdesur kaq shumë për Ermalin.Shtëpia e re e Ermalit ndodhet në fshatin Ndërkombëtar në Prishtinë, i cili po ndërtohet në Veternik, një zonë ku prej kohësh kanë prenotuar banesat e tyre, disa nga njerëzit më të pasur të Kosovës. Shtëpia është një vilë e vërtetë, por duke iu referuar çmimit, nuk ka pikë dyshimi që për blerjen e pronës së re të Ermalit ka kontribuar edhe i ati, këngëtari Sabri Fejzullahu.

Blerja e shtëpisë vjen menjëherë pas xhirimeve të fundit për videoklipin e tij më të ri, i cili u realizua në
Maqedoni dhe pritet që të shfaqet këto ditë fillimisht në televizionet kosovare dhe më pas në Shqipëri. Miqtë e tij të afërt konfirmojnë se këto të ardhura kanë ardhur nga një pjesë e fitimeve që ka siguruar nga shitja e këngës dhe klipit të tij të fundit. Pas suksesit të albumit të vitit të shkuar i cili solli të ardhura të mjaftueshme për këngëtarin, ky i fundit duket se këtë verë ka vendosur që të menaxhojë veten akoma më mirë, duke shitur të drejtat e këngës së re, me shifra disa herë më të larta se këngët e mëparshme. Vetëm para pak ditëshErmali u përfol në shtypin rozë për një histori të re dashurie mes tij dhe një vajze bukuroshe nga Prishtina, e cila quhet Adriana. Ndoshta me blerjen e shtëpisë së re, Ermali ka vendosur të realizojë atë që gjithmonë e ka thënë nëpër intervista, që sapo të njohë vajzën e jetës, do e prezantojë me familjen dhe do fejohet menjëherë.

Gazeta Panorama

Fotografi nga Ermal Fejzullahu  http://www.galeriashqiptare.net/thumbnails-195.html

Këngëtari Ermal Fejzullahu, ashtu siç kanë paralajmëruar edhe kolegët e tij, pritet që të hedhë në tregun muzikor albumin e tij më të ri, të shoqëruar edhe me një videoklip, i cili do të realizohet në Maqedoni. Por miq të afër konfirmojnë se surpriza e këtij albumi pritet të jetë një bashkëpunim, i cili nuk ka pikë dyshimi që do të jetë mjaft i rëndësishëm, pikërisht një duet me këngëtaren enjohur shqiptare Elvana Gjata, me të cilën u përfol para dy muajsh, se ata do të prezantoheshin me këtë këngë edhe në edicionin e fundit të “Top Fest”.

Albumi pritet që të hidhet në treg gjatë muajit korrik, atëherë, madje pritet edhe një turne i Ermalit në vendet bregdetare.

Gazeta Panorama

Fotografi nga Ermal Fejzullahu  http://www.galeriashqiptare.net/thumbnails-195.html