E ndërsa prej kohësh është bërë subjekt i faqeve rozë të gazetave, duket se vetë Poni  asnjëherë nuk ka preferuar të flasë për jetën private, apo më tej akoma të komentojë ato ç’ka janë shkruar rreth saj.

Impenjimet e shumta në fushën e muzikës dhe koncertet, si mënyra më e mirë për të qenë pranë fansave e kanë bërë, që shpesh të ndjejë dëshirën për të qenë e shkëputur nga jeta mediatike. Megjithatë duke qenë personazh publik, gjithsesi ajo nuk ka mundur t’i shpëtojë lajmeve, që me ose pa dëshirën e saj shkruhen në faqet e shtypit. Këngëtarja pranon të tregojë të vërtetat në lidhje me thashethemet rreth saj.  

(more…)

Lajmero ne:

Këngëtarja vlonjate, Poni ka lënë të dëshpëruar jo vetëm shqiptarët, por edhe anglezët që ishin mbledhur në një koncert ku pritej që ajo të këndonte. E teksa të gjithë prisnin me padurim që ajo të këndonte, një anonçim i organizatorit të koncertit, Ilir Balla ia ka prishur humorin fansave. Poni nuk kishte mbërritur, pasi sipas tij ajo kishte humbur avionin për në Londër. Por cili ishte shkaku që këngëtarja simpatike kishte humbur avionin?!

“Bluetooth” ka zbuluar se Poni, një natë përpara se të udhëtonte ishte në koncert në Itali, në një mbrëmje ku ka kënaqur të gjithë fansat. E mesa duket, e lodhur nga koncerti, ajo si rrallë herë ka fjetur më shumë seç duhet duke rënë në një gjumë të thellë. Kur është zgjuar, Poni dëshpërimisht ka kuptuar se kishin kaluar tre orë nga koha kur duhej të ishte në aeroport. Zërat qarkulluan shumë rreth këtij lajmi dhe mjaft fansa të Ponit, duke mësuar për vonesën, ndërsa buzëqeshnin janë shprehur: Me mjaft dëshirë Ponit me rastin e Krishtlindjeve mund t’i dhurojmë një orë me zile.

Bluetooth

Lajmero ne: